ចិនបង្ហាញឆន្ទៈសហការជាមួយកម្ពុជាក្នុងការបោសសម្អាតការឆបោកតាមប្រព័ន្ធបច្ចេកវិទ្យាឱ្យអស់ពីកម្ពុជា

ចិនបង្ហាញឆន្ទៈសហការជាមួយកម្ពុជាក្នុងការបោសសម្អាតការឆបោកតាមប្រព័ន្ធបច្ចេកវិទ្យាឱ្យអស់ពីកម្ពុជា

ចិន មានឆន្ទៈសហការជាមួយភាគីមិត្តកម្ពុជាដើម្បីរួមគ្នាបោសសម្អាតការឆបោកតាមប្រព័ន្ធបច្ចេកវិទ្យា ឱ្យអស់ពីទឹកដីកម្ពុជា សំដៅការពារសន្តិសុខ និងសុវត្ថិភាពប្រជាជននៃប្រទេសទាំងពីរ។

តាមរយៈទំព័រហ្វេសប៊ុករបស់ឯកឧត្តម វ៉ាង វិនពីន ឯកអគ្គរដ្ឋទូតចិន ប្រចាំកម្ពុជា នៅយប់ថ្ងៃទី១៦ ខែមីនា ឆ្នាំ២០២៦ មានខ្លឹមសារថា៖

យើងខ្ញុំសូមវាយតម្លៃខ្ពស់ចំពោះវិធានការដ៏មាន ប្រសិទ្ធភាពនិងសមិទ្ធផលវិជ្ជមានដែលភាគីកម្ពុជាសម្រេចបានក្នុងការបង្ក្រាបបទល្មើសឆបោកតាមប្រព័ន្ធបច្ចេកវិទ្យា។ ការដែលក្រសួងសន្តិសុខសាធារណៈចិនផ្តល់ជំនួយជាសម្ភារៈនគរបាលមួយចំនួនដល់ភាគីមិត្តកម្ពុជាលើកនេះគឺជាវិធានការជាក់ស្តែងមួយទៀតក្នុងការអនុវត្តតាមលទ្ធផលនៃដំណើរទស្សនកិច្ចរបស់ប្រធានរដ្ឋចិន ស៊ី ជិនពីង នៅប្រទេសកម្ពុជានិងក្នុងការពង្រឹងកិច្ចសហប្រតិបត្តិការអនុវត្តច្បាប់រួមគ្នារវាងចិន-កម្ពុជា ដើម្បីប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា។

ភាគីចិនមានឆន្ទៈសហការជាមួយភាគីមិត្តកម្ពុជាដើម្បីរួមគ្នាបោសសម្អាតការឆបោកតាមប្រព័ន្ធបច្ចេកវិទ្យាឱ្យអស់ពីទឹកដីកម្ពុជាសំដៅការពារសន្តិសុខ សុវត្ថិភាពប្រជាជននៃប្រទេសទាំងពីរនិងបង្កបង្កើតនូវបរិយាកាសល្អប្រសើរសម្រាប់ការពង្រឹងកិច្ចសហប្រតិបត្តិការលើគ្រប់វិស័យរវាងចិននិងកម្ពុជា។

We commend the strong measures and positive results of Cambodia in combating online scam. The recent donation of police supplies from the Chinese Ministry of Public Security to the Cambodian side is yet another concrete step in implementing the outcomes of President Xi Jinping’s state visit to Cambodia and strengthening China-Cambodian law enforcement cooperation against online scam. China is ready to work together with Cambodia to eradicate the scourge of online scam, and ensure that there is no place for this crime to hide in Cambodia, so as to create a favourable environment for protecting the two peoples and deepening cooperation between the two countries in various fields.