តំណាងអចិន្ត្រៃយ៍កម្ពុជានៅ UN ថ្លែងអំពីការរើសអើង ប្រមាថ និងអំពើហិង្សាដែលពលករកម្ពុជាធ្វើការនៅថៃបានជួបប្រទះ ក្នុងវេទិកាមួយនៅទីក្រុងហ្សឺណែវ
តំណាងអចិន្ត្រៃយ៍កម្ពុជានៅ UN ថ្លែងអំពីការរើសអើង ប្រមាថ និងអំពើហិង្សាដែលពលករកម្ពុជាធ្វើការនៅថៃបានជួបប្រទះ ក្នុងវេទិកាមួយនៅទីក្រុងហ្សឺណែវ
យោងតាមការបង្ហោះផ្សាយនៅលើបណ្តាញសង្គមរបស់ស្ថានបេសកកម្មអចិន្ត្រៃយ៍នៃព្រះរាជាណាចក្រកម្ពុជា ប្រចាំនៅការិយាល័យអង្គការសហប្រជាជាតិនៅទីក្រុងហ្សឺណែវបានឲ្យដឹងថា នៅថ្ងៃទី២២ ខែមិថុនា ឆ្នាំ២០២៦ នាសម័យប្រជុំលើកទី៦២ នៃក្រុមប្រឹក្សាសិទ្ធិមនុស្ស ឯកឧត្តមឯកអគ្គរាជទូត កែ សុវណ្ណ តំណាងអចិន្ត្រៃយ៍នៃព្រះរាជាណាចក្រកម្ពុជា ប្រចាំអង្គការសហប្រជាជាតិ នៅទីក្រុងហ្សឺណែវ បានថ្លែងបទអន្តរាគមន៍ក្នុងអំឡុងកិច្ចពិភាក្សាទូទៅ ក្រោមរបៀបវារៈទី៣៖ កិច្ចសន្ទនាអន្តរកម្មជាមួយអ្នករាយការណ៍ពិសេសស្តីពីសិទ្ធិមនុស្សរបស់ពលករទេសន្តរប្រវេសន៍។
ក្នុងបទអន្តរាគមន៍នោះ ឯកឧត្តមឯកអគ្គរាជទូត បានបញ្ជាក់ពីការគាំទ្ររបស់កម្ពុជា ចំពោះការអំពាវនាវរបស់អ្នករាយការណ៍ពិសេស ដល់បណ្តារដ្ឋនានាឱ្យគោរពកាតព្វកិច្ចសិទ្ធិមនុស្សរបស់ខ្លួន ចំពោះពលករទេសន្តរប្រវេសក៍ និងទប់ស្កាត់ការរើសអើង អំពើហិង្សា ព្រមទាំងការរំលោភបំពាននានា។ ឯកឧត្តមបានលើកឡើងជាក់ស្តែងជាពិសេស ក្នុងបរិបទនៃភាពតានតឹងនាពេលថ្មីៗនេះ នៅតាមបណ្តោយព្រំដែនកម្ពុជា-ថៃ ដែលក្នុងនោះមានសេចក្តីរាយការណ៍ថា ពលករទេសន្តរប្រវេសក៍កម្ពុជា បានប្រឈមនឹងការស្អប់ខ្ពើមជនបរទេស វោហាសាស្ត្ររើសអើង ការនិយាយស្តីបែបស្អប់ខ្ពើម ការប្រព្រឹត្តបែបប្រកាន់រើសអើង និងអំពើហិង្សា។
ទន្ទឹមនឹងនេះដែរ ឯកឧត្តមឯកអគ្គរាជទូត បានសង្កត់ធ្ងន់ថា ពលករទេសន្តរប្រវេសក៍ មិនត្រូវក្លាយជាផ្ទាំងស៊ីប ឬរងការរើសអើងដោយផ្អែកលើសញ្ជាតិរបស់ពួកគេឡើយ ហើយក៏មិនត្រូវក្លាយជាជនរងគ្រោះនៃភាពតានតឹងផ្នែកនយោបាយ ឬជម្លោះរវាងរដ្ឋនិងរដ្ឋនោះដែរ និងបានអំពាវនាវដល់ប្រទេសទទួល ឱ្យចាត់វិធានការចាំបាច់នានា ដើម្បីការពារពលករទេសន្តរប្រវេសក៍ ស្របតាមកាតព្វកិច្ចរបស់ខ្លួន ដោយអនុលោមតាមច្បាប់សិទ្ធិមនុស្សអន្តរជាតិរួមទាំងសេចក្តីប្រកាសជាសកលស្តីពីសិទ្ធិមនុស្សផងដែរ៕
Geneva, 22 June 2026 — During the 62nd Session of the Human Rights Council, His Excellency Ambassador KE Sovann, Permanent Representative of the Kingdom of Cambodia to the United Nations Office at Geneva, delivered Cambodia’s statement under Agenda Item 3: Interactive Dialogue with the Special Rapporteur on the Human Rights of Migrants.
In his statement, the Ambassador expressed Cambodia’s support for the Special Rapporteur’s call on States to uphold their human rights obligations towards all migrants and prevent discrimination, violence, and other abuses. He drew particular attention to recent context of tensions along the Cambodia–Thailand border, during which Cambodian migrant workers reportedly faced xenophobia, hate speech, discriminatory treatment, and violence.
The Ambassador underscored that migrant workers must never be targeted or discriminated against on the basis of their nationality, nor become victims of political tensions or interstate conflicts, and called upon host countries to take all necessary measures to protect migrant workers in accordance with their obligations under international human rights law, including the Universal Declaration of Human Rights.
